韓家韓國料理 (Closed)

中午兩大一小，大約12點15分到，當時未需要等位，只見韓家已開始整緊Panda嘅外賣。坐低後點咗兩份午餐（牛肉飯，粉絲），跟餐點兩種味道嘅炸雞。牛肉飯：牛肉比較鮮美，個汁甜甜地，有埋鍋蛋，保持肉質唔乾身。如果配料多D可以高分D，個人俾85分。炸雞：炸完仲有肉汁，雞皮亦都夠脆。蜜糖芝士味夠濃郁，個人比較鐘意（90分）。另一種原味都可以，但都係蜜糖正D。粉絲：口感、層次感一般，不過不失。環境：枱與枱之間位置都夠闊，長嘅枱有四人一隔板。燈光夠光，枱面唔油。枱面有免洗搓手液提供，員工有戴好口罩，有提醒所有客人量體溫同埋做紀錄，整體比較放心。下次應該會試下海鮮餅同埋拌飯。抱歉唔記得影相，只影咗餐牌。