Video
Read full review
2010-12-24
56 views
以前未裝修成日行過 , 因見門面真係有少少混亂又淺窄 , 所以好多次都冇幫襯試過!近日睇食評又更加多好評 , 仲話牛腩非常好食 , 搞到我個心郁郁成日想試下 , 今日下午三點左右 , 襯佢午飯繁忙時間過左應該少人o的卦 , 點知去到又係好多人逼滿哂!現場牆身有好多 ATV 藝員手寫簽名及現場照片 , 應該係用錢特登請返o黎開張助慶 , 不過唔係歧視 , 搵 ATV 藝員真係差少少 , 好多都係大茄唔係 ATV 一線 , 如果搵【張文慈】剪綵就吸引力好好多 ... 哈!裝修後現場寬敞好多 , 但總覺得用圓枱會慳地方好坐好多 , 但場內用長方型枱 , 感覺就唔係幾習慣 , 不過圓金屬椅座位有咕臣都幾舒服。我好難先搵到一個四人枱坐低 , 個個阿姐都忙到甩轆 , 我等左四五分鐘先攔截到一個阿姐 , 叫左【水餃牛腩米$21 + 跟餐凍飲另加$6 =Total HK$27】, 但等左八至十分鐘都未有得食 , 但杯凍奶茶 , 一早到左只見好多遲過我入席o既客人已經有得食啦 , 個心梗係唔多舒服啦! 我即時問其中一個阿姐幫我跟跟 , 之後見佢地亂哂大籠而且有少少爭拗場面 , 應該係為左一o的較生
近日睇食評又更加多好評 , 仲話牛腩非常好食 , 搞到我個心郁郁成日想試下 , 今日下午三點左右 ,
襯佢午飯繁忙時間過左應該少人o的卦 , 點知去到又係好多人逼滿哂!
現場牆身有好多 ATV 藝員手寫簽名及現場照片 , 應該係用錢特登請返o黎開張助慶 , 不過唔係
歧視 , 搵 ATV 藝員真係差少少 , 好多都係大茄唔係 ATV 一線 , 如果搵【張文慈】剪綵就吸引力
好好多 ... 哈!
裝修後現場寬敞好多 , 但總覺得用圓枱會慳地方好坐好多 , 但場內用長方型枱 , 感覺就唔係幾習
慣 , 不過圓金屬椅座位有咕臣都幾舒服。
我好難先搵到一個四人枱坐低 , 個個阿姐都忙到甩轆 , 我等左四五分鐘先攔截到一個阿姐 , 叫左
【水餃牛腩米$21 + 跟餐凍飲另加$6 =Total HK$27】, 但等左八至十分鐘都未有得食 , 但杯凍
奶茶 , 一早到左只見好多遲過我入席o既客人已經有得食啦 , 個心梗係唔多舒服啦! 我即時問其中
一個阿姐幫我跟跟 , 之後見佢地亂哂大籠而且有少少爭拗場面 , 應該係為左一o的較生手寫錯單
問題嘈 , 原來我張單已經不翼而飛 , 咁好啦又等多一兩分鐘 , 即刻已經幫我遞上牛腩米啦!
先講碗【水餃牛腩米】先 , 牛腩燜得唔夠腍爭少少 , 但味道好香而且唔會太鹹 , 但因
燜得唔夠腍同埋切得唔離刀 , 所以咀嚼都有少少困難。水餃幾有香菇味肉餡都新鮮 , 但比較【嘉
麗園】細粒好多。而米粉似【彪記】自浸東莞米粉好爽口。湯底我都好欣賞 , 因為唔似一般十
二...三蚊雲吞麵湯底 , 一味只用味精開湯底 , 呢道湯底好清但有牛肉清香 , 淡淡地又香甜較健康 ,
飲多兩啖都唔怕頸渴 , 加埋凈蔥花更加添香甜。呢碗【水餃牛腩米】, 我覺得牛腩o黎講還比不上
【彪記】, 但好過【嘉麗園 、文記清湯腩、新東記 & 潮城】, 雖然佢係附近【許記】前身老闆另
開 , 但佢牛腩同【許記】差唔多 , 但湯底比【許記】還要香甜。
再講【凍奶茶】就真係麻麻 , 茶唔夠茶味但飲到有紙茶包味 , 淡奶亦唔夠香及濃 , 不
過另加 $8元就有杯凍飲 , 都唔可以話有咩太高要求啦...係咪!? 10分滿分都有6.8分。
另辣椒油都幾香而且夠辣 , 但唔夠【潮城】咁好 , 但都叫係好好 , 唔錯!
服務方面可能有o的阿姐新手 , 所以難兔有少少雞手鴨腳 , 但佢地服務態度都算主動及良好 , 做熟
左就應該冇問題啦! 所以佢亂單我等耐少少 , 都覺得係值得原諒。
下次一定要試炸魚片頭 , 睇佢好大舊好新鮮 , 而且現場好多人 order 要食 , 應該唔會差好多。
Post