牛角次男坊 (荃灣廣場) (Closed)

星期日帶狗狗去沖涼之後食LUNCH，本來打算去荃灣廣搵下有咩食，一入去見到牛角次男坊唔駛排，又未試過喎! 同老公睇過MENU 都岩食, 就決定試下啦!客人要先付款點餐，之後先安排入座! 我老公點咗個豚肉丼餐，而我就點咗黯然消魂丼餐。店員安排咗座位後，先上左飲品。等咗一陣, 先上豚肉丼。豚肉丼飯上面係一層豬肉加上溫泉旦。豬肉甜甜的，都算嫩。飯好多，老公都食得飽。眼見老公已經食完佢個飯，我個黯然銷魂飯都仲未到! 當時食店都未客滿🤷‍♀️完全唔明點解要等咁耐! 等咗起碼20 分鐘，睇住老公食完佢個飯之後。我個黯然銷魂飯終於到啦! 勁香囉!黯然銷魂飯黯然銷魂飯上嘅肉係草飼牛腹腩，本來食第一舊都還好! 之後食咗好多舊都好多筋, 仲差D 哽親! 嚇死!牛腹腩偏肥, 重炭燒味! 不過真係太多筋, 同埋差D食到 哽親，應該都唔會再食了。