Video
Read full review
2018-07-04
487 views
一向愛來大坑覓食，皆因這個小區，不但交通便利，鄰近鬧市，而且有著難得的慢活氣息。穿梭大街小巷，在特色小店的包圍下，正好中和銅鑼灣嘅熱鬧氣氛。其實早兩個星期先去完大坑一間歐陸小館食 brunch，不過這晚又心思思，決定再接再厲，而今次嘅目標就係位於銅鑼灣道嘅美式扒房 「Bovini Steakhouse & Bar」。 據說店名 Bovini 係意大利文「牛群」嘅意思，咁即係開宗明義以「牛」做主角喇！餐廳位於銅鑼灣道 128 號地舖，門面唔算起眼，以啡木色為主調，店內面積不大，幾乎係一眼見曬。近門口處放了數張二人桌，而入面就以梳化座為主，寬敞闊落，非常舒服，牆身掛滿藝術畫作，加上幽暗嘅燈光，令室內倍添氣氛。細看餐牌，二人套餐共有兩款，分別為 Joyful Dinner Set (包前菜、是日餐湯、牛扒) ($899) 及 Deluxe Dinner Set (包前菜、是日餐湯、牛扒、薄餅或意粉) ($1049)，另外亦有一款適合三人享用嘅套餐 Premium Dinner Set (包前菜、是日餐湯、牛扒、魚、薄餅或意粉) ($1599)。如果唔想食套餐嘅話，當然也可以散點，有前菜、意
一向愛來大坑覓食，皆因這個小區，不但交通便利，鄰近鬧市，而且有著難得的慢活氣息。穿梭大街小巷，在特色小店的包圍下，正好中和銅鑼灣嘅熱鬧氣氛。其實早兩個星期先去完大坑一間歐陸小館食 brunch，不過這晚又心思思，決定再接再厲，而今次嘅目標就係位於銅鑼灣道嘅美式扒房 「Bovini Steakhouse & Bar」。 據說店名 Bovini 係意大利文「牛群」嘅意思，咁即係開宗明義以「牛」做主角喇！
餐廳位於銅鑼灣道 128 號地舖，門面唔算起眼，以啡木色為主調，店內面積不大，幾乎係一眼見曬。近門口處放了數張二人桌，而入面就以梳化座為主，寬敞闊落，非常舒服，牆身掛滿藝術畫作，加上幽暗嘅燈光，令室內倍添氣氛。
細看餐牌，二人套餐共有兩款，分別為 Joyful Dinner Set (包前菜、是日餐湯、牛扒) ($899) 及 Deluxe Dinner Set (包前菜、是日餐湯、牛扒、薄餅或意粉) ($1049)，另外亦有一款適合三人享用嘅套餐 Premium Dinner Set (包前菜、是日餐湯、牛扒、魚、薄餅或意粉) ($1599)。如果唔想食套餐嘅話，當然也可以散點，有前菜、意粉、自家製 Pizza、牛扒、羊小腿、甜品及飲品等可供選擇，豐儉由人。兩個人吃得不多，就簡簡單單點客前菜，再各自選個主食。
點完餐後，店員隨即為我倆送上一籃餐前麵包，兩款麵包拿上手還是熱烘烘的，輕輕掰開當中嘅小圓包，原來入面已經事先塗上了牛油並夾滿蒜粒，咬一口，包身非常軟熟，蒜香味突出，若不是要留肚吃主菜的話，真想再追加多一客！
前菜選了店員力推的特色香煎蟹餅 ($138)，蟹餅選用大塊珍寶蟹肉炮製，而且一客有成 6 件，分量不少。一口咬開，外層金黃焦香，非常脆口，入面啖啖蟹肉，鮮味爆棚。
輪到吃主菜，先嘗這客鹽焗海鱸魚 ($348)，原條鱸魚以海鹽烤焗，端上桌時見魚身被粗大的鹽粒重重包圍，旁邊伴以車厘茄、香草及檸檬，香味突出，賣相討好。店員十分細心，先讓我拍照，然後替我們把鱸魚面頭的鹽層撥開，再片起魚皮。叉起魚肉入口，質地幼嫩滑溜，既肥美又不多骨，而且魚鮮味濃郁，不過如果可以加多點菜蔬或薯仔之類伴吃，食味應該會更加豐富。
既然餐廳以「牛」作主打，一場來到，當然唔可以錯過，所以另一客主菜就揀咗香煎 16 安士肉眼配牛燒汁 ($598)。來自美國的安格斯 Prime Grade 肉眼扒，先經高溫煎香，再以焗爐烤焗，上桌時配有一小碟薯蓉。塊扒份量唔講得笑，有成 16oz 重，表面烤得焦香，切開內裡仍然露出粉嫩紅色，師傅控制火喉得宜，沒有烹調過時，入口牛香味濃郁、肉汁豐富，不用點任何醬汁已非常好味。
食完咁大塊肉，餐後點了伯爵茶 ($38x2) 作結，茶色和茶香味都非常濃郁，口感清爽，帶淡淡的佛手柑芬芳，用作解膩一流。
Post
