Video
Read full review
2009-08-22
51 views
21-8-2009想試的太爺雞店無位兼長龍, 唯有折返文娛中心一帶, 見呢間 cafe 仔竟然有位, 又入嚟試試. 同朋友各自一人一杯飲品, 再叫了兩份飛碟 share 食; 之前睇過食評覺得 mango cheesecake 好吸引, 一場嚟到又 share 了一 slice 當甜品.試了一啖朋友的凍朱古力 (單點 $18): 味道「茶記凍朱」得很, 又水又有唔少「沉澱物」(未溶的朱古力粉), 我覺得好難飲 , 不過朋友又覺得無乜嘢...我飲熱焦糖咖啡 (單點 $17): 阿姐叮囑「試咗味先落糖喎」, 試味時就覺得 caramel 味唔夠, 而且要再落一包糖先夠甜; 而咖啡本身就夠香又夠滑, 飲完喉嚨好舒服, 不錯喎 Mango cheesecake (單點 $22 per slice) 係「雪製」(cf. 焗製) 的, 面頭有點 "marble" 紋, 底部就有粒粒芒果肉, 賣相幾吸引. 餅底係消化餅, 幾幼細, 不過我哋都係比較喜歡「粗獷」一點的 蛋糕不論質地及味道都似芒果奶凍多 d, 其實無芝士味, 但幾好食喎, 仲令人諗起帝苑的 mango mousse cak
想試的太爺雞店無位兼長龍, 唯有折返文娛中心一帶, 見呢間 cafe 仔竟然有位, 又入嚟試試. 同朋友各自一人一杯飲品, 再叫了兩份飛碟 share 食; 之前睇過食評覺得 mango cheesecake 好吸引, 一場嚟到又 share 了一 slice 當甜品.
試了一啖朋友的凍朱古力 (單點 $18): 味道「茶記凍朱」得很, 又水又有唔少「沉澱物」(未溶的朱古力粉), 我覺得好難飲 , 不過朋友又覺得無乜嘢...
我飲熱焦糖咖啡 (單點 $17): 阿姐叮囑「試咗味先落糖喎」, 試味時就覺得 caramel 味唔夠, 而且要再落一包糖先夠甜; 而咖啡本身就夠香又夠滑, 飲完喉嚨好舒服, 不錯喎
Mango cheesecake (單點 $22 per slice) 係「雪製」(cf. 焗製) 的, 面頭有點 "marble" 紋, 底部就有粒粒芒果肉, 賣相幾吸引. 餅底係消化餅, 幾幼細, 不過我哋都係比較喜歡「粗獷」一點的 蛋糕不論質地及味道都似芒果奶凍多 d, 其實無芝士味, 但幾好食喎, 仲令人諗起帝苑的 mango mousse cake (http://www.openrice.com/restaurant/commentdetail.htm?commentid=149699)
飛碟 #1 係咖喱牛肉 (單點 $18; 跟熱焦糖咖啡 $31) 餡: 熱得燙手, 麵包邊位十分脆口, 餡就多到 "beet" 晒出來, 仲要一路食一路跌, 幾狼狽 咖喱免治牛味道係港式, 唔辣但幾香, 都幾好食.
飛碟 #2 係菠蘿芝士火腿 (單點 $18; 跟凍朱古力 $32) 餡: 麵包一樣又熱又脆, 餡料食落味道可以預計, 不過我覺得聞落怪怪哋, 好似有點「叔」(!?), 印象麻麻哋.
食物算不錯, 小店環境就認真「小」, 好在當時堂食客人唔多, 唔會好迫; 幾位阿姐幾友善, 感覺幾親切的一個地方.
每人約 $45 埋單, 值得一試.
Menu 其他食物: http://peonycafe.com/menus_chi.php
Post
