牛一 (屯門市廣場1期) (Closed)

今次係第一次食牛一，聽講有比較特別嘅乳酪雪糕，加上有肥牛，一於試試。黎到6：55，攞左113號籌，等到8點都係叫到91號，超級無癮。9點終於入得喇，食左好多野，牛肉算唔錯，唔太肥唔太瘦，d紋都算平均，豬肉就比較一般啦，不過有牛肉又何必叫豬呢。個湯係冇預先放湯料嘅，自己可以選擇加菜，番茄，肉丸，芝士腸，等等啦，自助式放題。基本上個湯都好夠味，唔需要外加醬汁。成晚都食得好滿足，尤其是最尾可以食翻個雪糕。環境方面，好乾靜，連自助區都乾淨，冷氣都頗足夠，唔會搞到個頭成陣火鍋味。好野都係要等，下次預留多d時間等先。