Video
Read full review
2016-11-24
1758 views
第一次寫食評，就係因為昨晚喺Bondi用餐經驗令到我決定執筆一寫。呢個禮拜工作都幾忙決定對自己同朋友好啲，於是諗住放工揾間好D的餐廳試下。上網睇見到佢裝修好似幾好，又話自己唔收加一因為提供好食物係基本的，見佢咁有HEART就幫襯下。上到去打開餐牌無乜好多選擇，我和友人揀左一個一人餐 (有南瓜湯沙律豬扒甜品同一杯嘢飲，我地叫左朱古力奶) 同一個MAIN COURSE (帶子龍蝦RISOTTO)。個南瓜湯同沙律普普通通無驚喜，跟住個RISOTTO煮到好似粥咁，我事後睇返啲食評，唔知係咪比人投訴得多，話佢呢個菜唔熟，所以佢煮到一PAT咁，隻龍蝦係乾煎到變蝦乾，唯一係兩件帶子還可以。至於塊豬扒MAIN COURSE，啲配菜堅係炒埋一堆上碟，算。但塊豬扒好硬，放左PAT 芝士喺上面叫做有啲味。到最後黎杯朱古力，我估應該無事卦，友人飲完第一句就話：嘩，稀過陳冠希。果然，水樣朱古力奶。甜品個荔枝果涷普通到不得了。總之成餐飯色香味全都欠奉。至於服務，喺電話度訂枱，佢地話九點LAST ORDER, 十點關門，接電話位哥哥都算貼心，問我地八點先上去會唔會食唔切，我話OK。食到九點左右待應提示LAST OR
呢個禮拜工作都幾忙決定對自己同朋友好啲，於是諗住放工揾間好D的餐廳試下。上網睇見到佢裝修好似幾好，又話自己唔收加一因為提供好食物係基本的，見佢咁有HEART就幫襯下。
上到去打開餐牌無乜好多選擇，我和友人揀左一個一人餐 (有南瓜湯沙律豬扒甜品同一杯嘢飲，我地叫左朱古力奶) 同一個MAIN COURSE (帶子龍蝦RISOTTO)。
個南瓜湯同沙律普普通通無驚喜，跟住個RISOTTO煮到好似粥咁，我事後睇返啲食評，唔知係咪比人投訴得多，話佢呢個菜唔熟，所以佢煮到一PAT咁，隻龍蝦係乾煎到變蝦乾，唯一係兩件帶子還可以。至於塊豬扒MAIN COURSE，啲配菜堅係炒埋一堆上碟，算。但塊豬扒好硬，放左PAT 芝士喺上面叫做有啲味。到最後黎杯朱古力，我估應該無事卦，友人飲完第一句就話：嘩，稀過陳冠希。果然，水樣朱古力奶。甜品個荔枝果涷普通到不得了。總之成餐飯色香味全都欠奉。
至於服務，喺電話度訂枱，佢地話九點LAST ORDER, 十點關門，接電話位哥哥都算貼心，問我地八點先上去會唔會食唔切，我話OK。食到九點左右待應提示LAST ORDER, 九點三要埋單, 九點半就話要我地走, 佢話佢地要執枱做清潔, 整個過程侍應的態度未至於惡劣，但面部表情說話語調實在算不上是恰當。埋單$200一位，早知去食茶餐廳。
Post