Video
Read full review
2016-02-01
2501 views
媽媽生日想食特別啲嘅嘢，尾尾就提議去食芝士雞煲(其實係自己想食)。因為訂左6PM，所以去到唔駛等就入得，不過當日星期六去到7PM其實都仲有空枱，可能係有人訂左位呱。我地三個人叫左個黃金芝士雞煲(小)、牛頸脊(小)、蒙古羊肉、竹笙墨魚滑、生菜(全份)、出前一丁同稻庭烏冬。落單後好快就上左黃金芝士雞煲($148)同配料，有個架放配料唔駛怕成枱都係嘢，都幾貼心。芝士雞煲大火滾左就可以食啦，放左好多芝士喺面，夾起時有牽絲，好正呀！因為芝士始終係膩啲，所以細嘅芝士雞煲(2-3人份量)就啱啱好。雞煲用左雞脾肉，醃得入味，肉質好滑同埋有肉食，唔係淨係得骨。連唔太鍾意芝士嘅爸爸都食左好多塊見好多人推介牛頸脊($188)，所以都叫左黎試下。脂肪分佈都算均勻，肉質好腍，有香香嘅牛肉味。雖然係好食嘅，不過咁嘅價錢同質量(唔好以為有好多下面鋪左一左蘿蔔絲小山)，都係覺得有啲小貴蒙古羊肉($98)肉質好腍，都幾膻。不過因為我地一家都好鍾意食羊肉，所以覺得都幾好味。怕膻嘅朋友就唔好叫啦~ 雖然唔差，但係未算係好好食嘅蒙古羊肉。竹笙墨魚滑($88)有新意！唔記得左影未煮之前個樣...爽口竹笙包住彈牙墨魚滑，口感唔錯
我地三個人叫左個黃金芝士雞煲(小)、牛頸脊(小)、蒙古羊肉、竹笙墨魚滑、生菜(全份)、出前一丁同稻庭烏冬。
黃金芝士雞煲(小)
$148
94 views
0 likes
0 comments
牛頸脊(小)
$188
92 views
0 likes
0 comments
蒙古羊肉
$98
91 views
1 likes
0 comments
竹笙墨魚滑
$88
90 views
0 likes
0 comments
我地一家好鍾意食菜，所以叫左生菜(全份 $35)，不過其實份量唔算太多。生菜正常，冇咩特別。
稻庭烏冬($18)唔係好彈牙，同埋吸唔到芝士湯，建議唔好叫。反而出前一丁($12)吸哂芝士湯，好入味。建議臨尾收一收湯底，令佢變成杰杰地嘅汁，變成芝士撈丁！
呢度大部分配料都有全份或半份選擇，可以根據食量同人數而叫，都幾好。值得一讃嘅係佢地會加芝士汁做湯底，唔會愈加湯愈淡。嫌唔夠“芝味”可以另加芝士($10)。不過我地覺得夠哂味同埋食食下開始膩，所以就冇加喇。總括黎講，芝士控可以值得一試，如果唔太鍾意芝士嘅，倒不如試試麻辣雞煲。
Post
