Video
Read full review
2008-03-23
收工零晨12點o黎到食宵夜, 離last order 仲有半個鐘, 立即剔order紙, 叫左:油甘魚: 食落無乜味, 和元氣的油甘魚差不多, 比尖沙咀和花亭吃過的差很多.帆立貝: 在和花亭叫元貝, 個度只係十零蚊碟. 在這裡正價要$20, 送來時色澤暗啞, 都唔知之前擺左幾耐擺到咁乾淨淨, 肉質偏削.象牙貝: 比北寄貴貝, 但味道比較淡...長腳蟹棒1件: 一般甜蝦(巨): 實際size只是一般, 理所當然地比超市賣的大. 蝦色偏白色, 又係無乜味, 似是平價貨.海膽軍艦: 係我食過最難食的海膽, 唔新鮮, 入口腥, 完全無一般海膽的鮮甜. 可能d軍艦係一早包好, 見到d紫菜已經淋晒.整體d壽司size都係比和花亭, 板前, 峰, 較細件, 壽司飯好似超市o個d咁細件, 但味道竟然比超市的還差, 真係唔知d師傅掂樣煲飯同落醋.想叫一d比較貴價的如拖羅, 珍寶帆立貝, 活赤貝都剛好賣晒...到埋單時, 數完碟都要第成個幾字先拎到張單o黎, 好在個時d侍應無咁忙, 都會主動加茶. 張單黎到, 話就話10%加一, 但發覺原本$13.2的加一會自動齊頭計你$14, 感覺有d趣巧, 不過都算
油甘魚: 食落無乜味, 和元氣的油甘魚差不多, 比尖沙咀和花亭吃過的差很多.
帆立貝: 在和花亭叫元貝, 個度只係十零蚊碟. 在這裡正價要$20, 送來時色澤暗啞, 都唔知之前擺左幾耐擺到咁乾淨淨, 肉質偏削.
象牙貝: 比北寄貴貝, 但味道比較淡...
長腳蟹棒1件: 一般
甜蝦(巨): 實際size只是一般, 理所當然地比超市賣的大. 蝦色偏白色, 又係無乜味, 似是平價貨.
海膽軍艦: 係我食過最難食的海膽, 唔新鮮, 入口腥, 完全無一般海膽的鮮甜. 可能d軍艦係一早包好, 見到d紫菜已經淋晒.
整體d壽司size都係比和花亭, 板前, 峰, 較細件, 壽司飯好似超市o個d咁細件, 但味道竟然比超市的還差, 真係唔知d師傅掂樣煲飯同落醋.
想叫一d比較貴價的如拖羅, 珍寶帆立貝, 活赤貝都剛好賣晒...
到埋單時, 數完碟都要第成個幾字先拎到張單o黎, 好在個時d侍應無咁忙, 都會主動加茶. 張單黎到, 話就話10%加一, 但發覺原本$13.2的加一會自動齊頭計你$14, 感覺有d趣巧, 不過都算, 個8毫子就當豪比你. 找錢時又花心思把$20打散博你比tips, 好可惜d野真係唔好食, 加上已經加左一, 真係連1蚊tips都唔想比.
今次真係吃過最難食的一次壽司, 如果正價時都係咁既質素, 就真係非常唔值. 純粹食物味道的話, 絕對應該比個喊佢. 但如果價錢減半, 質素也跟住減半的話, 那我也無話可說. 可能下次食d普通d既野會好dd...
Post