混亂拉麵 (Closed)

路過深水埗被店舖的名字及裝修吸引，見幾日式風格，就即管一試。店舖內座位差不多全是吧檯，面對住煮麵師父。選麵嘅menu有過膠，並用炭筆點選，可用手指刷掉，我比較欣賞其環保概念。拉麵可選擇的基本上只有配料，如加粟米、芝士與否，但可免費加大野菜、芽菜及蒜的份量。拉麵都頗大碗，但麵身較硬，叉燒都頗厚身但不夠入味。但拉麵中的溫泉蛋係用日本蛋，味道不錯。食物只是不過不失，但相對下，價錢接近成百蚊一碗似乎略貴。