湄南 (Closed)

今晚Mr.J去飲，我唯有搵細佬同我一齊食晚飯。既然細佬同我食，當然要帶佢去食平時唔會食嘅野啦。今次叫咗1)越式生牛肉湯河(喇沙湯底)(2)火車頭(3)香芒米紙卷(大蝦)平時去越南餐廳食生牛肉湯河都只有清湯底，今次竟然仲可以揀喇沙、沙嗲、蕃茄或咖喱，感覺好新奇(我最後揀咗喇沙湯底)。嚟到嘅時候好驚喜，啲喇沙醬鋪滿哂成碗湯河，但牛肉又唔會熟哂，挺嫩，不錯。啲河粉同牛肉嘅份量都幾多，一個人食都幾飽。火車頭湯河有生牛肉、牛筋等等，牛筋雖然得一件，但好大舊。成碗湯河連大食嘅細佬都話飽。香芒米紙卷(大蝦)叫咗之後話無哂芒果，問轉用菠蘿得唔得，當然可以，反正未試過菠蘿米紙卷。一碟有6件，每件都有一隻蝦，都算真材實料。用菠蘿嘅感覺唔錯嘅，不過我都係喜歡芒果好啲。