Vibes the place (Closed)

西環向來有唔少別具特色嘅cafe, 呢間Vibes the place就係其中之一。好多時候去cafe都只係想搵個地方悠閒咁睇下書，飲杯咖啡，所以cafe嘅環境有時候甚至比食物嘅味道更為重要。剛踏入呢間Vibes the place就比佢清新而又溫暖嘅風格吸引——Cafe嘅裝修以棕色嘅木調為主，四周都放滿左乾花同頌鉢，店裡放著柔和嘅英文老歌，整體感覺靜寧而又舒服。由於當日下午我另外訂左餐廳，所以只係點左一杯matcha latte （$50），同朋友慢慢坐下，吹下水。如果單說matcha latte嘅味道嘅話，其實並唔算特別出色——抹茶味唔算突出，飲落有淡淡嘅草青味；但cafe 將心靈治療嘅元素融入飲食當中，為整個用餐體驗增添唔少趣味。店舖四周擺放左一啲頌鉢供客人使用，將咖啡放入頌鉢中，默念自己嘅心願，然後敲響頌鉢，據說能將正能量注入咖啡中，令其味道變得不一樣🤣我自己係試唔出明顯嘅變化，但朋友就話的確係好飲左，總括黎講都係一個幾新鮮嘅體驗。