藍象泰國餐廳 (Closed)

以前喺尖沙咀返工，一直都冇機會試一試呢間泰國菜，反而冇咗之後就偏偏掛住想過返嚟試吓，今日終於有機會啦！餐廳環境好好，如果你想三五知己靜靜地坐低傾吓計呢度會係一個好選擇！雞肉碎生菜包，呢一味係我去到冇一間泰國餐廳都必叫嘅，呢間餐廳特別在於佢嘅味道唔算好濃烈，鍾意清清地嘅人應該會適合你泰式蝦餅，呢度最好嘅事你可以選擇半份或者全份，就算兩個人黎食都可以叫多幾款啦！味道方面佢嘅蝦味都好濃郁，配搭埋我最愛嘅泰式辣醬果然係前菜最好嘅選擇泰式春卷，入邊真係會搵到大大隻蝦！椰汁雞湯，淨係睇相你都知道佢好濃郁啦，呢個雞湯唔係周圍都食到，佢亦都煲得好出色最後仲叫多咗個青咖喱飯，飯係炒飯嚟嘅配合埋青咖喱，為呢一餐做咗個完美嘅結尾