小糖鈕 (Closed)

.之前搵到位於尖沙咀嘅一座公寓，發現大廈三樓有一間好色彩繽紛嘅甜品舖，用左好多鈕做店內裝飾，都係佢地甜品其中一個特色。.今次叫咗柚輪，佢實質上係蜜柚葩菲拿破輪。拿破崙果個環輪好吸睛，有足夠嘅厚度，口感非常鬆脆。雪葩係用新鮮生果做嘅，佢嘅口感似雪糕，比起沙冰幼滑好多。雪葩有種好清新嘅柚子味，配上新鮮嘅橙同蜜柚肉，一齊食好夾，但係蜜柚有少少苦。.白色果條係班蘭味既蛋白條，不過我唔係太食得出班蘭味，只係甜甜的。佢重用左唔同濃度嘅朱古力整左啲鈕扣，好逼真好靚。 成個擺設好似一幅畫咁，有啲唔捨得去破壞佢。.🧒🏻好中意切落拿破崙果下聲，覺得好治癒。佢整嘅甜品創意力十足，唔似得出邊嘅甜品一式一樣。.所以我想俾大家睇埋依一個叫做冰鎮玫瑰荔枝燉蛋。甜品一上就吸引到其他客人嘅目光，因為佢用左乾冰係底，啲煙霧好夢幻。.甜品係好大碗，粉紅色嘅燉蛋好滑溜，食起上黎有啲似奶酪。加上士多啤梨同荔枝肉嘅甜味，三隻味加埋唔會好突兀。上面嘅玫瑰花好脆，店主介紹話要整碎玫瑰花同燉蛋撈埋食，有雙重口感又有玫瑰花味。下次我會再去試下其他款式。