堅信號上海生煎皇 (新都城中心二期) (Closed)

堅信號係將軍澳開左分店，一直都好多人排隊，所以無食到。今日見無咩人就去食啦！今日有剛新出的酸菜魚，好想食，不過朋友唔食魚，所以無點。下次同其他人食先點啦！點了招牌菜生煎包，真係爆汁呀！好多汁，而且夠熱！建議先咬開個皮，試下個湯會唔會太熱先。另外點了四川擔擔麵。原本以為同一般上海店差唔多味，但這間的麵底好食，而且有好香濃既花生醬味，肉碎亦不少，不會好辣，一個人食剛剛好。朋友吃的酸辣麵比較辣，跟其他上海店味道水準差不多，都係酸酸辣辣，幾開胃。肉碎真的好多呀！好味！同一麵底不同味道。餐廳還有好多其他野食，外婆紅燒肉睇落都好吸引哦！最後埋單$105，兩個人食，不會太飽。如果大食既建議多點一兩個小食，或者食多個生煎包。