一心素食 (Closed)

觀塘一心經常去，幾味小菜係必食。今日約到6個好友, 可以試埋佢地嘅藥膳火鍋，好開心。先試一啖湯底，藥材很濃，好過之前喺D2食果間好多。其實之前我地都喺一心打過邊爐, 但記得蔬菜盤都係普通菜同埋素丸豆腐，呢碟野來到，我地全部都呆左一陣好多好奇怪嘅菇類，例如好似珊瑚咁樣嘅鹿茸菇，又有一舊鮮黃色嘅黃耳菇等等，好多見都未見過，雖然食落未必鍾意，但都好新奇，好多質地都唔係想像咁樣，得意。雖然係二人份, 但份量都足, 6個人, 加左5個小菜，同埋兩碟金菇、窩筍，就食到飽飽。除左火鍋，當然唔少得我地嘅幾款至愛小菜黑松露秋葵炒蛋，本身鍾意食秋葵，原來同蛋都好夾。蛋就未必次次都炒得咁靚，要睇師傅心情茄子猴頭菇，濃味撈飯之選咕嚕肉, 好味, 真係好鬼似, 完全唔覺自己食緊齋，除左菠蘿，原來仲有哈蜜瓜，驚喜黃金蝦，咸蛋黃咸香適中，又係正野。炸3菇，呢樣就普通啲，配沙律醬，個醬超酸，同埋冇喼汁加左3個飯同6杯野飲，埋單6百零蚊，OK啦