Sixer Burger (Closed)

我一向都好鐘意食美國野，漢堡、熱狗、意粉等等，講起都想食😂。今日黎到荃灣，唔係好知食咩，見到喱間食burger嘅小店，感覺都幾好，一於試下先。-餐牌設計得幾好，野食選擇好多，淨係漢堡都已經有11款唔同嘅配搭。另外仲有熱狗、all-day breakfast、薯條、炸雞、沙律等等。-我地一行4個人，所以可以叫好多唔同種類嘅食物試下。今次order左一份什菜沙律，芝士肉醬薯條，特色炸雞籃，龍蝦牛肉漢堡，蒲燒鰻魚漢堡同埋卡邦尼青口意粉。-什菜沙律配左個黑醋汁，入面有羅馬生菜、沙律菜、紫洋蔥同蕃茄，整體幾新鮮，好開胃。-薯條炸到金黃香脆，肉醬份量好多，配埋上面融化左嘅芝士，望到都覺得好吸引。-普通嘅手打牛肉漢堡就食得多，配埋龍蝦嘅就真係第一次食。龍蝦size好大，烹調時間掌控得幾好，食落爽口彈牙，感覺好新鮮。漢堡嘅牛味濃郁，咬落juicy，同龍蝦個感覺都幾夾，配埋新鮮嘅蔬菜，同埋個香草忌廉檸檬汁，成個感覺好refreshing，絕對係誠意之作👍🏻。