珍一料理 (富榮大廈) (Closed)

疫情下，又開始冇得堂食。我都多咗留意做外賣嘅鋪頭，放工搭巴士必經嘅路德圍，係掃街嘅首選，其中見到呢間係食涼拌。位於荃灣路德圍嘅珍一料理，主打川味冷盤，一講到冷盤，一定聯想到手撕雞、酸辣粉、雞腳、豬耳等等。珍一料理嘅冷盤涼拌選擇都好多，有腐竹、土豆絲、豆干、金錢肚、牛柏葉、牛筋凍、牛肚、豬耳、牛腱、雞翼尖等等，款款都想試呀❤️我今次就試咗：鎮江排骨飯（餐）配藕片、牛腱$60外賣番到屋企個飯仲係熱辣辣，鎮江排骨飯，超香鎮江醋味，排骨肥瘦適中，非常入味。辣鹵金錢肚（例）$58金錢肚細切，爽口入味，食落有小小辣愈食就愈辣。秘制泡椒鳳爪（例）$35有咬口，咀嚼時清脆爽口，酸酸辣辣非常開胃。