阿里郎熱狗棒 (Closed)

早兩年都有食過呢間🌭️熱狗店，估唔到而家多咗唔少新product，而且有套餐價仲抵食咗😻。A1乜都有套餐（熱狗1冬甩1飲品1）$78🍩伯爵茶味冬甩冬甩脹卜卜，口感鬆軟，未食已經爆曬餡。伯爵茶醬味道香甜，仲有淡淡茶香。🍊柑橘碳酸水呢款飲品注目度一流👀。味道比起汽水更似橙汁，仲有超多果肉。🌭星星熱狗棒呢款係少數嘅甜食熱狗棒💕，又脆又甜，加埋裏面嘅水牛芝士又幾夾。S1 🌭熱狗2個+🧀芝士球4粒 + 🍢年糕香腸串 120🌭鴛鴦芝腸熱狗棒🌭薯條冇諗過兩款熱狗棒個樣會完全一樣，只係一款有芝士加熱狗腸，另一款就得熱狗腸。不過值得一讚係表面嘅薯仔粒炸到外脆內軟，仲好有薯味。🧀芝士球一咬開就知有滿滿嘅水牛芝士🧀，拉絲效果一流。估唔到仲用咗車打芝士，味道比起熱狗棒嘅芝士濃郁得多。🍢年糕香腸年糕炸完仲係煙煙韌韌，腸仔勁香又唔會太鹹，加埋韓式辣醬好惹味。