喜聚坊

Open Now

Now Closed

人大左越黎越鍾意食中菜，因為好食既中菜真係唔易搵！今日呢間係媽媽朋友食過話唔錯🤤老火煲南北杏雞骨草豬尾骨｜係住家湯既味道🥰🥰飲得出係真材實料，絕對唔係味精湯！姨姨話可以清肝火，岩哂我地呢啲夜瞓既都市人。古法糯米雞｜呢個糯米雞好巴閉，戴安娜王妃以前都食過😳糯米雞好足料，糯米好軟綿綿，裡面仲有大大粒鹹蛋黃！秘制咖喱牛肋煲｜用上多款香料同材料煮成，咖喱味道有層次，一定要配白飯😋牛肋條炆得好腍好入味👍🏻薯仔有炸過係外脆內軟🤤仲有大量洋蔥同三色椒！鍾意佢加左菠蘿，食落無咁膩👍🏻原來佢仲有煲仔飯。下次要試😍