一寿司 (Closed)

因為男友鍾情三文魚壽司，所以今日又食日本嘢～以尖沙咀泥講，要平靚正就真係不得不選擇一壽司了…大致嘅嘢唔再重提，今次要ＳＨＯＷ吓未食過嘅各種壽司～（特登去試）是日菜式（全為壽司）：池魚、盬燒青檸三文、黑松露拖羅甜蝦、蟹籽蟹肉腐皮、海膽金槍腩、芝士鱆紅、黑和牛、鯖魚、左口邊、貝片（三食）、劍魚（三食）、火炙海膽帆立貝、火炙黑椒吞拿、火炙焦糖鵝肝（我嘅必點）、火炙芝士海老天婦羅卷、三文（男人必點）仲好記得第一次食「牛壽司」係３、４年前響「ＭＯＮ字頭」…果次佢做得好差，啲血染到舊舊飯都係紅色，自此我一直唔敢再試…不過時間耐咗，自然就可以接受再次嘗試～尖咀一壽司嘅食材處理一向唔錯，所以今次特登叫泥試吓～鵝肝真係每次都無辦法唔叫…太美好了～～>3<而左口邊亦成為咗男友嘅新寵…好肥美！男人話好滿意今次嘅帆立貝（平時叫普通的或刺身）不過我自己就覺得海膽唔夠新鮮…而火炙黑椒吞拿同劍魚（三食）我都幾鍾意，前者新鮮嫩滑，後者肥美又抵食（可以一次過食３種嘛～）食咁多先＄３００幾埋單，抵過食放題啦～～