焱手工涮涮鍋 (Closed)

呢間餐廳已經唔係第一次光顧，上次同同事食完，覺得返尋味，所以今次帶埋屋企人一齊出嚟食。今次餐廳出邊多咗一塊banner ，主力推介「三味鍋」，見未食過同埋寫住「全港首創」，二話不說就入咗去試喇。因為上次吃了手工粥底，幾條麻甩佬都食唔晒，而且今次我啲屋企人都唔係大食，所以今次選擇咗「焱選套餐」。揀咗兩個湯底包括：養生人蔘藥膳鍋、馬來香芋沙嗲鍋。原來呢個「三味鍋」，即是鍋有三個位置，兩邊加入湯底，中間有一個位置係放入新鮮嘅蜆。侍應好快就拎左個鍋黎，並且將啲蜆放入中間個窿度，再倒入埋適量嘅清酒，加埋一把火槍，咁就炮製成「火焰清酒煮蜆」喇。當侍應喺清酒上噴火嗰下，估唔到真係咁猛火同熱，所以一家大細食嘅時候，要小心啲小朋友，唔好比啲小朋友黐到咁埋，避免意外發生！三兩下手腳就食晒啲蜆，而我哋所揀嘅時令海鮮拼盤亦都好快到咗，我哋揀咗蟶子、帶子、鮑魚、脆鯇片、海蝦。蟶子隻隻都好大隻。揀左兩款肉類：日本松板黑豚肉配小黃瓜、頂級安格斯牛頸脊手工火鍋拼盤：太極蟹子海鮮軍艦、別蝦我、牛肝菌黑松露餃子、手打安格斯香辣牛丸、三層樓墨魚磚。仲有大大塊既響鈴！同上次一樣，大過手掌！一邊食一邊飲返杯「山楂紫背天葵」除左