蝦麵店 (荃新天地) (Closed)

行過荃新天地，未見到餐廳已經聞到陣陣蝦湯香，非常誇張! 就係呢間蝦麵店👍👍 香味濃郁到我都忍唔住同朋友入左去試餐廳除左散點都有一人同二人餐，幾經濟實惠可能因為太香，真係啲人經過都會黎望兩眼，好彩我地黎個陣岩岩有位，如果唔係有排等雞脾肉串燒，雞肉燒得好juicy，最正係佢既湯嗲醬😍花生粒夠粗身，個醬食落又香又甜超開胃黎得食星馬野，無理由唔食個肉骨茶，呢度肉骨茶白胡椒味超香，而且真係啖啖肉，煮得香濃入味，油條浸湯食，完全吸哂湯既精華魷魚辣蝦麵!! 雖然佢無清蝦湯，但辣蝦湯同樣清甜! 除左微微帶辣仲飲得出蝦既甜，魷魚同蝦既份量都算多，麵可以加底，男仔應該唔太夠食