串點 (Closed)

我好鍾意食串燒，年頭佢哋新開之後每次經過我都會心思思想食，又見有咁多好評就一於試吓😁小店細細間走露營風，用嘅都係露營枱櫈、餐具，枱面仲有一盞露營燈好有feel ，依家天氣熱去唔到Camping，夜晚同朋友嚟傾吓計食吓串燒都幾頂癮！前菜～龍蝦沙律 $48跟青瓜、紫菜夾埋一齊食，多重口感味道唔錯幾開胃。主食～厚切餐肉蛋麻辣撈一丁 $58去露營就硬係唔少得食餐蛋公仔麵🍜作主食，餐肉煎得超香脆，丁麵辣度都幾勁，整體偏重口味！燒物就揀咗以下幾款，睇返先發現原來全部都係雞🐔😆最正脆骨雞肉丸子，雞肉好鬆軟，中間有啲雞軟骨粒粒，口感超正！每款燒物味道都唔同，各有特色都好味😋沙嗲咖喱雞肉串冬陰功雞肉串脆骨雞肉丸子辣味炸雞雞軟骨照燒魷魚筒 $88呢度廚房係半開放式，有兩個吧枱位，可以睇住師傅仔整串燒， 我哋就選擇咗坐露營枱櫈，唔使睇都聞到燒魷魚嘅香味，照燒汁微甜惹味，魷魚燒得剛剛好唔會韌。