燒烤堂 (Closed)

見到呢間鋪頭細細地門口裝修幾得意好有日本風味就入去試一試。裏面裝修都樸素，環境都舒適。坐低就叫咗個凍蕃茄開下胃先，蕃茄好新鮮，凍冰冰啱晒夏天食。見到有個燒魚翅，覺得幾得意所以就叫左黎試吓，燒得好香口，食落去個感覺同街邊嘅燒魷魚口感差唔多，但係佢帶一點點魚翅味。呢個燒茄子又幾好味，上面有啲蒜蓉有啲蔥花令到成個茄子好香口，你仲燒得個皮唔會好燶，所以連皮食都冇問題。雞軟骨串，我自己就最鍾意食雞軟骨，呢間啲雞軟骨都燒得唔差。鹽燒雞翼串，雞翼果皮燒得好脆，但裏面又唔會太燶，另外雞翼都幾入味，可以叫多一兩串黎食。食咗咁多肉就梗係要叫返一兩個燒蔬菜你食啦，呢個係燒翠玉瓜，佢燒到表面有少少燶燶地好香口，味道亦都唔錯唔會淡而無味。燒雞皮，笑得好脆，但略嫌有少少淡。鹽燒尖椒，尖椒唔會好辣辣，有少少辣味。燒冬菇，味道唔錯，冬菇幾時鮮甜，再配埋啲木魚絲一流。安格斯一口牛，呢個牛燒得唔會太耐，肉質嫩滑，再加埋黑椒去燒味道不錯。 京蔥雞肉串，個醬汁幾惹味，京蔥燒到燶燶地好香，雞肉嫩滑。