正品小館 (Closed)

早幾日，嚟到呢間佐敦嘅正品小館。俾餐牌上嘅杏汁燉白肺吸引左。 入到去發現都好多特色小食。感覺唔錯！涼瓜炒花膠，好特別嘅菜式，口感特別，花膠養顏，食得多又會膩，夾埋涼瓜一齊食，剛好中和左飽膩感覺。 好清新嘅配搭。 唔錯！ 值得一試！招牌杏汁燉白肺。 功夫菜，杏汁係鮮磨嘅。好香濃杏仁味，配上豬肺，好特別。超值牛腩飯餐。晚市都係$38，牛腩又多，仲有幾條菜，有埋冬瓜湯同飯，非常抵食！推介： 凍食馬友： 魚鮮肉嫩，咸味剛好，唔洗點醬已經好好食。