飲茶 (Closed)

呢個年代都係相機先食，有一次同朋友上網見到呢間包點整得好精緻，所以就決定一試影相打卡。呢間Yum Cha有幾間分店，我地揀左尖沙咀分店，地點都唔難搵，一入去就見到好多人食緊野，見到幾乎每張枱都會點一籠可愛包包，望到都好興奮...前菜叫左雞絲拉皮，冰涼嘅粉皮質感又夠滑，都幾好食！三杯醉雞，酒香味濃，最重要係冇骨，抵讚，值得一試！七彩茄子調味得幾香，涼菜黎講就係稍為多左少少油。睇住奶流，呢籠包係重頭戲，點心師傅將佢地個樣整得好可愛，未食已經大飽眼福，咬佢一啖真係流心嘅，好食，如果鹹蛋味再重啲就好啦。主菜叫左一碟炒貴刁，比起涼菜點心，呢個炒麵比較遜色。加埋茶位兩個人食左二百幾，價錢唔會好貴，下次可以再過黎一試其他包點菜式。