百變蛋君 (Closed)

今日經過銅鑼灣去剪頭髮，見到呢間雞蛋仔舖頭，見到佢有好多唔同特色口味，所以買咗嚟試吓。原本諗住叫抹茶朱古力雞蛋仔，但係店員話佢哋有個新出嘅口味，抹茶紅豆白玉雞蛋仔，叫我一定要試吓，所以我就買咗呢個啦。等咗10分鐘左右就有雞蛋仔啦，店員俾我嗰陣仲再三話真係好好食㗎。識落抹茶味就真係唔係好重，不過加咗紅豆都唔會太甜，而且有蛋香，另外每一粒雞蛋仔入邊都有白玉㗎，真材實料，唯一缺點就係食完真係太飽啦，唔使食飯都得。