串酒里 (Closed)

今日約左個朋友嚟左呢間喺山林道的燒物店晚飯及傾計，因為呢道可以試下D型仔嘅手工啤酒和特色燒物。(九鳥)$68甜橘微辣味的手工啤酒一入口啤酒味濃，之後feel到甜橘味同少少辣味，而朋友就試左煙燻黑棗味(撚)，兩種啤酒味道同感覺好真材實料，唔係坊間一般啤酒嘅人工味道。香燒燒魷魚糯米飯($89)好出色，魷魚筒入面塞入香口糯米飯上面再灑滿木魚片，估唔到呢3樣食料加埋係咪好味！麻辣爽彈火雞腎($32)，燒得爽口唔會硬，個麻辣汁好野味！川式脆燒雞軟骨($26)，又脆又爽，用嚟送啤酒一流！鹽燒厚切千舌($59)，有牛味又夠厚，感覺牛舌好新鮮！日本雞蛋燒廣島蠔($59)兩只，蠔味重，加蛋黃亦好香蛋黃味！香草燒紐西蘭羊架($79)兩件，羊味夠香又唔會太羶！蒜蓉燒原條茄子($45)，個醬汁同蒜蓉令到個茄子好好味，點左幾樣肉用嚟中和下啱啱好！同個friend一邊傾計一邊食燒物同飲特色手工啤酒感覺真係幾正下！