陳師傅點心專門店 (Moved) New Location

夜晚未食飯，返咗母校附近行下，成個新蒲崗真喺改變好多，讀書時代成條景福街都只喺賣五金同原材料，依家餐廳已經林立，變咗成條食街咁。參觀完母校之後，喺附近搵野食！時間已經唔早，又唔想食咁多落肚，所以搵咗點心舖試下。我哋叫咗比較大路嘅點心。例如《鮑汁鮮竹卷》、《魚子燒賣皇》、《精製蝦餃皇》、《山竹牛肉球》、《流沙黃金堆仔》、《蜜汁叉燒包》、《陳皮牛肉腸》。雖然大路，但每樣點心都各有特色，口感同味道都特別出色，而且用料十足，每樣點心比一般茶樓都大件好多！聽老板娘，原來師傅以前喺酒店做過，唔怪得特別零舍不同！經老板娘拍板推薦之下，叫咗佢哋主打嘅《脆皮銀絲腸》！賣相雖然只喺一條普通嘅腸粉，但食落有兩份口感，內裏有一層好薄脆身嘅皮，而且有種清新的感覺，非常特別！依個主打嘅《脆皮銀絲腸》真喺藉得推介。問咗老板娘幾次層脆喺咩黎，不過都喺唔肯講！咁緊喺啦，主打菜色喎！下次路過新蒲崗，真喺藉得黎試一試！