明乾小館 (Under Renovation)

明乾小館新開張，係間食點心嘅專門店！ 試業期間免茶免加一，另外有九折！ 晚市另外有八折！環境裝修好靚，位置非常方便，喺尖沙咀站行到五分鐘就到！ 米網鴛鴦腸鴛鴦腸有芹菜同蝦粒 , 外面係紅色嘅粉皮包住用紅米漿做嘅，入面係脆米網外脆內軟！ 雪茄春巻 (2件)外皮係深啡色嘅好脆，外型好似雪茄！ 入面嘅餡料非常豐富， 有蝦肉，蟹子，同菜，非常香口惹味，不太油膩！ 芒果河粉外面望落去白色好似係豆腐花， 原來係用果凍粉做嘅，食落去係煙煙韌韌嘅，口感好似河粉，上面充滿芒果肉，，非常有特色🤩👍🏻 香芒糯米卷(2件) 糯米卷嘅外皮唔會好厚，充滿椰絲， 入面芒果肉新鮮juicy！ 彩虹蝦餃(4件)蝦餃皮薄，入面有大大粒蝦肉，好彈牙，色彩繽紛好可愛😍鮑魚酥(2件）非常精緻， 上面有完隻鮑魚，酥皮入面係豚肉， 美味無窮！ 😋黑金流沙包(2件)麵包質感軟綿綿， 入面係蛋黃流沙，非常美味👍🏻黑松露小籠包(4件)小籠包上面係香噴噴嘅黑松露， 一口咬落去爆汁，熱辣辣真係即叫即蒸嘅！ 白灼時菜 菜心青綠嫩滑，好大碟！餐後送上甜品，係金箔芝麻卷， 芝麻香味濃郁，就算係送嘅都做得一啲都唔馬虎！