木船泰國粉麵專門店 (Closed)

呢間新開嘅泰國餐廳位於太和地鐵站附近，價錢平民，而且食物款式眾多，所以就去試吓。燒豚肉飯，非常有驚喜，頂部有少少木瓜沙律，酸酸甜甜非常開胃。豚肉燒得好香口，而且醃製嘅醬汁味道好特別，都係偏甜酸，再加埋入邊有個流心蛋，撈埋一齊食味道非常豐富。泰式鳳爪沙律，雖然價錢好平，但係鳳爪得四件，大多都係沙律菜。鳳爪無骨，咬落去爽脆但偏硬，調味唔錯，唔會太辣。青靈梳打，梳打水係泰國進口，係無糖嘅，但飲落去有少少甜味，感覺好健康又好飲。