MAD Burger (Closed)

某日下午路過一間新開既漢堡包餐廳，門面格局都幾型有個黑色既漢堡包標誌位於馬路附近的小橫巷內，店鋪不算太大間，坐位唔算太多，入面有消毒搓手液供客人使用，店員見我路過就走左出黎介紹餐單，我問職員有咩好飲好食嫁？佢就答我有三款不同口味既漢堡選擇，有牛肉，泰式或者素食既包，甘我就揀左牛肉包試下，本身諗住叫咖啡飲但職員就話未有，之後佢推介左我試lime mad,酸酸甜甜好醒胃甘話，漢堡即叫即整，大大個，入面好多菜，肉味都幾香嫁，個包面都幾脆，加埋洋蔥，芝士牛肉蕃茄，生菜既配搭都幾fresh既。職員好友善，仲俾多個紙袋我裝住杯飲品拎走，lime mad有青檸加香茅味飲落真係幾解膩同醒胃嫁。建議：如果餐廳可以有更多漢堡款式供客人選擇甘就好。三款好似真係少左d。