在家居酒屋 (Closed)

餐廳地方唔算大，燈光少少暗，營造出輕鬆舒適嘅氣氛。而且有室內位亦有戶外位置，客人可自行選擇全室外或室內，適合倆小口約會，或者同一大班親朋戚友飯局。食物賣相唔錯，但係味道好一般。我哋叫咗幾款串燒、炸雞軟骨、牛油果溫泉蛋雞飯、蔬菜天婦羅，幾款刺身……總括嚟講，唔算係好難食，但講唔出有邊一道好食、有印象。可能因為餐廳裝修上仿似居酒屋嘅格局，所以對佢嘅食物會有一定期望。酒類無試到，不過眼見酒嘅款式都幾多，鐘意飲清酒配串燒嘅人可以一試，但我認為附近有更多好餐廳更值得推介。