國度84

Open Now

Now Closed

上次黎南丫島無意中試到呢間家庭式麵包店幾有水準，但鋪位又細又唔起眼，要由門口既玻璃窗裝入去望到熟悉既陳設先記得幫襯過，忍唔住入去行左轉。鋪頭以麵包、曲奇為主，咁岩見到有售沙冰亦唔貴，落單後幾分鐘內就有得飲喇。綠茶沙冰奶昔 ($28)冰凍幼滑既沙冰入口透心涼，綠茶奶味較重，唔會過甜，最特別既係忌廉上灑上曲奇碎，偶爾咬到帶芝士牛油香既酥脆餅碎，竟然係意想唔到咁夾。 同類特飲係市區連鎖咖啡店必定索價雙倍，性價比奇高。迷你甜甜圈 ($7)、芝士脆條 ($12)簡單講句就係自家製新鮮茶點，呈現出最佳狀態既煙韌、香脆，聽老闆娘介紹實冇錯。 上次黎試過木糠布甸都好有水準，大大杯夠滑又夠凍。店內陳設都幾有心思同童趣，雖然只有一張餐台，人流亦不絕，但多數人都外賣走，兩次到訪都好順利咁獨佔兩個座位。右方有整排麵包架，店鋪中央亦有U形櫃擺放曲奇供客人選購，老闆娘見我地揀得耐都好主動介始有咩款值得一試，態度親切，記得上次黎仲問埋佢行山路線添。成日大力吹捧乜茶乜茶，其實香港本土出品都唔差丫。