韓屋

Open Now

Now Closed

經過香港人熟識的韓國食店街金巴利道，見門口排左好多人，相信一定好食。內裡裝修有霓虹燈，夠型格，吸引到不少年青人來。前菜有一小碟泡菜，係醃製酸蘿蔔同瓜。見菜牌，是韓國菜的驚喜，有好多款餃子，有一新穎餃子，係蔘雞餃子皇$68，有四大隻，餡有雞肉粉絲，菜，蔘味唔算濃。主菜叫了牛排骨湯$138，湯底好濃牛香味，黏住牛骨的肉好滑，還有牛肉，還有少許粉絲一齊食，非常滋補，有大量洋蔥和大蔥。另一主食，叫了韓國菜必叫，炒豬肉石鍋伴飯$108，熱㷫㷫，底部有飯焦，好香脆，撈埋韓式辣醬，好惹味。餐廳還送了一枝維他命C沖劑，啱曬而家疫情時期，要補充維他命C，增強抵抗力。