安客蔥雞

Open Now

Now Closed

位於西營盤嘅型格韓國菜館，主打多款地道韓式料理，同時亦有唔少特色韓國Cocktail供應，適合同朋友仔嚟聚餐。店內環境唔大，座位之間有適當距離，播住輕快韓歌，令人感覺舒適。午餐時段有套餐，推介無骨甜辣醬配炸雞醬油雞翼，雞塊炸至酥脆可口，肉質嫩滑啖啖肉，另有無炸嘅版本，兩款各有千秋，可以一次過食曬，旁邊附上飯糰，沙律，蘿蔔同湯，性價比高。湯品選擇有辣有唔辣，韓式牛肉鍋好值得一試，牛肉份量多到誇張，超級大塊，有厚有薄，肉質嫩滑唔嚡口，裡面有雜菜、蛋同滑嘟嘟嘅麵、湯底濃郁，帶甜甜嘅牛肉香氣，一定夠飽。小食有芝士木魚花飛魚子蛋捲，醬汁絕對係靈魂，蛋捲唔算好滑但勝在厚身且帶淡淡蛋香味，相信用咗唔少蛋去整。而飲品方面有柚子雞尾燒酒沙冰同三重梳打特飲（菠蘿芒果熱情果），冰冰涼涼十分解暑。