珍一料理 (榮高樓) (Closed)

好開心呀，今日終於都可以去旺角行街啦，仲記得以前細個嘅時候成日都去旺角行街！咁咪可以約到朋友出去真係好開心🤤🤤難得去到旺角，就梗係要去周圍食吓好嘢啦！咁你食好嘢嘅話我咪介紹咗呢一間珍一料理😌一去到真係好開心，因為又真係好多唔同嘅選擇！而且有好多唔同嘅川菜風味！重點嘅係唔同肉類都有！我今次因為唔係好肚餓嘅關係，所以就叫咗佢五香牛肉！呢個牛肉分量好多，有少少嚇親！而且呢個涼拌系列嘅五香料理真係好好味！唔好睇佢外表好似好單調咁，但其實已經預先醃好晒味道！所以依然可以保持到非常好嘅風味！食落去啖啖肉真係好爽，而且呢個味道好香濃！❤️整體來講呢間餐廳都係值得介紹嘅，因為菜式簡單而且款式好多，重點嘅係價錢合理