Video
Read full review
2017-11-04
1305 views
今日放工同朋友落荃灣食飯。如果熟荃灣既朋友應該都知, 近荃灣廣埸果頭幾乎成條街都係食肆, 一日試一間既話, 可能都要一個月先可以試得晒。不過如果收窄範圍, 咁就容易揀好多! 今次朋友開宗明義想話食西班牙菜, 所以我地就揀左一間喺大壩街既西餐廳el cerdo。入到去餐廳, 已經比佢個環境吸引住, 因為成間餐廳既感覺似係中環啲bar&restaurant。我地揀左個近門口既位坐, 可能係weekday,加上我地去果陣係大約1900, 時間尚早, 所以店內都唔算好多台客, 我同朋友就可以享受一下一刻既寧靜。同朋友商量過後, 我地就order左一個小食, 同一個main dish (太細食喇我地!)。首先就有一個蟹肉薯仔奄列, 本身我地係想叫menu上面既薯仔西班牙奄列, 不過侍應哥哥就話依個菜式有個新款, 係多左蟹肉既, 所以就即管試下! 奄列一上台已經傳黎陣陣香味, 係焗薯既味道! 加上奄列上面鋪滿沙律醬, 睇見都流口水! 奄列既口感係creamy既! 不過佢又唔似薯蓉咁一pat pat, 反而係保留到薯仔既口感, 連埋d蟹肉一齊食, 都幾好味! 可能朋友比我更加鍾意食, 所以佢三幾下就
今日放工同朋友落荃灣食飯。如果熟荃灣既朋友應該都知, 近荃灣廣埸果頭幾乎成條街都係食肆, 一日試一間既話, 可能都要一個月先可以試得晒。
不過如果收窄範圍, 咁就容易揀好多! 今次朋友開宗明義想話食西班牙菜, 所以我地就揀左一間喺大壩街既西餐廳el cerdo。
入到去餐廳, 已經比佢個環境吸引住, 因為成間餐廳既感覺似係中環啲bar&restaurant。我地揀左個近門口既位坐, 可能係weekday,加上我地去果陣係大約1900, 時間尚早, 所以店內都唔算好多台客, 我同朋友就可以享受一下一刻既寧靜。
同朋友商量過後, 我地就order左一個小食, 同一個main dish (太細食喇我地!)。
首先就有一個蟹肉薯仔奄列, 本身我地係想叫menu上面既薯仔西班牙奄列, 不過侍應哥哥就話依個菜式有個新款, 係多左蟹肉既, 所以就即管試下! 奄列一上台已經傳黎陣陣香味, 係焗薯既味道! 加上奄列上面鋪滿沙律醬, 睇見都流口水! 奄列既口感係creamy既! 不過佢又唔似薯蓉咁一pat pat, 反而係保留到薯仔既口感, 連埋d蟹肉一齊食, 都幾好味! 可能朋友比我更加鍾意食, 所以佢三幾下就食晒成個奄列!
之後就叫左一個西班牙海鮮幼麵! 本身想叫西班牙炒飯, 不過朋友話今晚想食麵多過飯, 加上未食過西班牙幼麵, 所以又係抱住好奇心咁試下! 依個西班牙海鮮幼麵一d都唔欺埸, 因為入面有大蝦、蝦干、魚柳、青口同蟹肉, 幾乎平時食開既海鮮都有! 個麵跟埋幾片檸檬, 擠左d檸檬淬落去個味道更加fresh! 同朋友食完都覺得好彩叫左依個, 因為西班牙炒飯出面都可能有機會食到, 但依個西班牙幼麵真係第一次見, 應該都冇咩機會再食到! 而且味道真係好食!
因為朋友唔係咁舒服, 唔僕得凍野 所以冇叫到依度d特色mocktail, 下次如果有機會再黎, 可以試試佢!
Post
