狂野麻神麻辣火鍋 (Closed)

香港人每日都鍾意打邊爐，無論夏天冬天都係一個好選擇🤣今日同fd係尖沙咀又揾到間正野麻辣火鍋，實行以熱制熱既真理，餐廳裝修主要行工業水泥風，沉實穩重，未見狂野之像🪨黎之前已經睇定佢地既餐牌，覺得都係狂野海鮮二人餐最抵食📜每位$288就已經包埋湯底連吸味配料、海鮮拼盤、牛肉盛、菜籃、丸類、麵食同甜品，包滿足飽肚離坐☺️🥘麻神麻辣湯叫得麻神就一定要試吓佢哋嘅招牌麻辣湯底，不過就算唔食辣就有幾款清d既可以揀，有得雙拼方便食下辣又食下清湯抖一抖🤭湯底一上就聞到夠香濃而且有齊麻、香、辣，突顯出層次既鋪排，麻辣湯底入面已經放咗果凍鴨血同埋千層豆腐，鴨血食落去真係好似啫喱咁滑，咬口Q彈，千層豆腐經過長時間熬煮入味，一口就爆汁咁😋🥓牛肉盛一望就覺得自己好似食緊潮汕鮮牛肉火鍋咁😍因為有好多刁鑽既牛肉部位，包括牛頸脊、牛花膠、牛胸爽、一口牛同封門柳，牛胸爽看似一片白全是脂肪，其實佢係牛既前胸中間軟骨組織，但淥熟之後食係好爽口，牛味豐富🤤牛花膠其實即係筋膜位置，店員提醒要煮30分鐘以上先會軟熟，入口似牛腩咁肉質軟嫩，入口即化，牛頸脊就富有油香又夠肉味😉🦪海鮮拼盤一座小山咁，有用冰去雪住保持鮮度，有日本元貝、大連