越味皇 (Closed)

鍾意食越南野嘅我，今日喺荃灣嘅呢間越味皇，品嚐一下下午茶先，係呢個咁炎熱嘅天氣，入到黎冷氣充足嘅地方，果然夠晒舒服，裝修充滿越南嘅風味，而且地方明亮，未食嘢已經覺得自己置身於越南。下午茶嘅選擇都已經好多，今日嘅我就叫左一個牛丸金邊粉，我選擇咗嘅係牛骨湯底，充滿濃濃嘅牛骨味，金邊粉份量十分之多，不得不讚嘅係佢嘅牛丸，十分之彈牙，真係不可不吃，配上佢嘅香草，果然充滿越南嘅風味。我仲叫咗酸辣鳳爪，冰冰涼涼酸酸辣辣，份量又多，係呢一個炎熱嘅夏天，令我身心涼快。之後仲帶咗一個牛油果蝦米紙卷，米紙新鮮彈牙，裏面嘅份量十分之充足，有我最鍾意嘅牛油果，在點上一啲魚露，酸酸甜甜份外開胃。