一哥私房菜 (Closed)

陪3個朋友去佐敦做衫，佢地公司PARTY要禮服，等完度完身都7點幾，就去搵野食。有人話凍冰冰想去打邊爐，諗下諗下，有人話不如去一哥，之前佢食過有獨立房，我地點嘈都得!原來呢度係食左個雞煲先，之後就成個雞煲拎走，有另一個煲俾你打邊邊唔使咁油，D雞煲食完個底通常都好油，宜家無呢個憂慮了。個雞煲黎到時已經好香，待應拎個雞煲黎時連隨個計時器來，計夠三分鐘就可以打開蓋，炒下佢，過多兩分鐘就食得了!配料十足，雞件嫩滑，味道唔濃唔太咸，食完無口渴既情況出現，雞件煮完無縮水，仲有啖啖肉，但就唔係好入味。雞煲可以無限添食，食夠雞煲先食蟹煲又得，食完雞打完邊爐再食雞都得。鮮茄花甲野菌蟹鍋滿有蕃茄﹑粟米﹑薯仔﹑蟹件同唐芹等，只係湯底已經好鮮甜，蟹肉份量都唔小，好多呀!泰式生蝦同三文魚刺身刺身都好新鮮，由其係三文魚，夠大件同肥美。海鮮拼盤每日既配搭都會有唔同，他們說邊樣新鮮就入邊樣，無論蟶子﹑鮑魚﹑龍躉﹑鯇魚片﹑蝦﹑象拔蚌﹑蜆﹑帶子等通通十分新鮮，件件爽口鮮甜，十分有咬口，仲要好大隻，滋味無比。牛頸脊呢排打邊爐都中意食牛頸脊，因為油份唔多唔少，牛味亦重，雪花紋亦好平均，很靚，淥完都好香口。另外仲有響鈴同生根球