Coffee Lover (Moved) New Location

今日難得放假 ，又唔知去邊好， 去開九鐵就突然之間諗起呢間咖啡店，所以就過咗嚟。大學站坐4號嘅巴士過到嚟呢間咖啡室，本來想飲精品咖啡帶啱啱賣曬，所以就叫咗呢兩款，價錢都唔貴兩樣都係加埋43蚊 。黎個獨自浪漫嘅high tea。Latte $23 用混合豆而成，用比較簡單方法飲到原來味道（精品剛賣完，勁失望），入口泡口感都滑吾算好厚身，咖啡味易入口，吾算好苦澀味，但層次比較少。芝士蛋糕自家制 $20，好軟熟同滑身， #芝士 味都濃郁。