Video
Read full review
2021-05-11
547 views
Mr & Mrs Fox 重開後走現代型格路線，落地玻璃加高樓底開揚設計，中央設復古英倫風酒吧枱🥂~~感覺好chill😙 小妹用餐嘅地方係2樓，呢層搖身一變，由現代酒吧變成🌿歐陸風秘密花園，仲有個打卡必備嘅書櫃位😁~選擇困難嘅小妹叫咗tasting menu ，可以任揀3款appetizer 、1款main （$500以下）同1款dessert🤗~~店員推介 Hokkaido Scallops Carpaccio 同Nicoise Salad。前者係北海道帶子薄片配海膽，帶子新鮮，海膽味濃，再配埋魚子醬，鮮味十足。後者Nicoise Salad配上黑芝麻炙燒吞拿魚同半熟鵪鶉蛋，吞拿魚較咸，魚肉略嫌唔夠滑。雖然叫做salad，但只係配橄欖、腰豆等，同小妹預期嘅沙律有d出入；如果想食沙律菜嘅話，呢款就未必啱。最後一款頭盤揀咗Char-grilled Octopus，3款中小妹比較鍾意嘅。大大條烤八爪魚鬚配上檸檬泡沫汁，食落味道鮮味清新，好啱用黎開胃；伴碟仲有墨汁意大利飯，飯米軟而帶微煙韌，幾好食。聽講呢度牛扒唔錯，所以Main 揀咗🐂 340g Black Angus Rib-Eye。牛扒
Mr & Mrs Fox 重開後走現代型格路線，落地玻璃加高樓底開揚設計，中央設復古英倫風酒吧枱🥂~~感覺好chill😙 小妹用餐嘅地方係2樓，呢層搖身一變，由現代酒吧變成🌿歐陸風秘密花園，仲有個打卡必備嘅書櫃位😁~
Hokkaido Scallops Carpaccio , Nicoise Salad, Char-grilled Octopus
31 views
0 likes
0 comments
選擇困難嘅小妹叫咗tasting menu ，可以任揀3款appetizer 、1款main （$500以下）同1款dessert🤗~~店員推介 Hokkaido Scallops Carpaccio 同Nicoise Salad。前者係北海道帶子薄片配海膽，帶子新鮮，海膽味濃，再配埋魚子醬，鮮味十足。後者Nicoise Salad配上黑芝麻炙燒吞拿魚同半熟鵪鶉蛋，吞拿魚較咸，魚肉略嫌唔夠滑。雖然叫做salad，但只係配橄欖、腰豆等，同小妹預期嘅沙律有d出入；如果想食沙律菜嘅話，呢款就未必啱。
最後一款頭盤揀咗Char-grilled Octopus，3款中小妹比較鍾意嘅。大大條烤八爪魚鬚配上檸檬泡沫汁，食落味道鮮味清新，好啱用黎開胃；伴碟仲有墨汁意大利飯，飯米軟而帶微煙韌，幾好食。
340g Black Angus Rib-Eye
35 views
0 likes
0 comments
聽講呢度牛扒唔錯，所以Main 揀咗🐂 340g Black Angus Rib-Eye。牛扒烤得剛好，做到唔出血水嘅medium rare~~肉質幾嫩滑，而且帶微微炭燒香，再配埋烤蒜一齊食，好味😋！ 牛扒另外配4款醬汁：干邑白蘭地黑椒汁、蛋黃醬、香草汁同蕃茄汁。小妹最鍾意🌱香草汁，會令牛扒更香口；其次係🍅蕃茄汁，微酸減退牛脂嘅油膩感，令牛肉多咗份清新感☺。
Baked Alaska
78 views
0 likes
0 comments
甜品揀咗🔥火辣辣嘅 Baked Alaska ，蛋白霜淋上Swiss Meringue，燒至微焦；內層係花生香蕉雪糕同朱古力脆脆餅底。雪糕小妹食落覺得似雲尼拿味😅 Swiss Meringue本身嘅酒香味都幾重，可惜燒得唔夠，所以蛋白霜嘅酒香唔突出，酒味落哂係碟底嘅餅底度。。。味道整體係討好嘅，內裏佔咗3分2都係雪糕，份量十足；不過蛋白霜本身都好甜，所以2個人食太多，建議搵3～4個朋友一齊share😆
原來2樓平日只係for private event，係近期先開放俾人上黎用餐。2樓相對比較靜，同朋友傾計食飯都好舒服～如果小妹係附近返工，放工都會想黎飲杯野happy吓。店員仲推介Saturday brunch, 可以食足3個鐘，搵機會再去先😉
Post
