梅光軒 (登龍街) (Closed)

燈籠街被稱為拉麵街，近排有多左一間過江龍叫梅光軒。作為拉麵狂熱份子當然要試一試佢。餐單以中，英，日文列出食物名，非常貼心。餐廳甚至提供半份和正常份量拉麵，啱曬啲成日主食食淨一半但之後食曬成個甜品既女仔！（被女友打緊）拉麵湯底有味噌，醬油同鹽味。本身想食鹽味但賣曬，所以最後揀左醬油拉麵。醬油味比較淡，拉麵質感比較獨特，屬於煙韌彈牙。但略嫌又燒偏瘦。係登龍街嚟講，梅光軒拉麵算便宜，但味道有過之無不及，我已經準備做佢地既長期顧客！