聚寶海南雞

Open Now

Now Closed

雖然聚寶既招牌係寫海南雞飯，但其實佢有另一個招牌菜色，就係豬仔脾飯。註: 如果唔鍾意食油飯，想食白飯既話(好似我甘) ，記住要同佢講，否則會自動上左油飯一碟豬仔脾飯，呈油亮深褐的醬汁，排列整齊既豬仔脾肉，仲有半隻卤水蛋，份量唔少。挾起一塊豬仔脾肉入口，佢最特別既係豬皮甚是彈牙煙韌，唔會好淋，咀嚼時有咬口，同時底下既脾肉又好嫩，加上醃得入味，就非常之好食.只係豬仔脾飯既水準冇海南雞飯keep得甘好，前排食過豬皮都算軟彈，但脾肉就煮得過了頭，硬左啲，但今日去食又水準回升，所以都幾難捉摸。睇你好唔好彩啦，好彩既話，我真心覺豬仔脾飯好食過海南雞飯。