靠得住粥麵小館 (黃大仙中心北館)

Open Now

Now Closed

今晚在黃大仙食靠得住粥麪小館，晚餐時段店內坐滿9成客人。今次係我第二次食靠得住。上一次是在葵芳午飯時段食粥，今晚就試下豬手撈麵。重點想讚一讚豬手，豬手三件好大舊，豬皮的毛處理得好好，不會見到有毛。豬手燜得好入味又夠腍身，咬入口時好黏唇，覺得食左好多骨膠原，皮膚即時覺得有彈性左。另外幼麵份量好多，麵條好爽口，最怕把麵烚得太腍，這份面少少硬身好啱我口味。另配有三粒炸雲吞，雲吞皮炸得香脆，香口但溫度不夠熱， 豬肉餡比較少，但味道是好吃的。食完豬手和炸雲吞想飲杯清茶，我加了三蚊要熱蘋果紅茶，是茶包來的，紅茶不甜，入口微微果酸酸，有陣陣蘋果香，正好化解豬手的肥膩感覺。