豪星咖啡店

Open Now

Now Closed

今日冇帶飯，同事咁岩都帶曬飯，咁唯有一個人出去食午餐。一個人唔知食咩，本來打算食蛋糕😛，因為見到間餅店幾靚。入去前突然想起，銀包得返＄10，所以馬上掉頭去銀行。考慮到，再去蛋糕店，有機會會遲到，所以就係附近買外賣返公司食。我食豬扒出前一丁。餐牌寫明係出前一丁，但我好少食即食麵，我分唔到到底係唔係出前一丁，但調味料係原味出前一丁嘅味。麵煮得太耐，麵太脹。不過都有可能，因為外賣的關係，個麵浸得太耐。豬扒正常味，但幾大塊。奶茶，茶味同奶味都有嘅，但糖的份量太多，我要正常糖份量，甜到我咩味都食唔到。質感唔算好滑，但灣仔$26的午餐，算可以。