越一越南牛肉粉專門店 (Closed)

記得同事提過，荃灣有間越南餐廳值得幫襯，今晚吃過之後，果然係好吃過越棧嗰啲，怪不得，呢間餐廳敢膽用個 “一” 字作為餐廳名。晚飯時段，客人很多，所以被安排坐近門口位。餐牌上的選擇頗多，除了傳統越式食品之外，就連芝士蛋糕也有，加配價只是$16。點了香茅豬扒撈檬、椰汁綠豆冰和原味芝士蛋糕，埋單一舊水都唔使。撈檬大大碗，香茅豬扒大大塊。豬扒醃得入味，而且有咬口。撈檬又爽又滑，裡面還有些青瓜絲、甘筍絲、生菜絲、炸香蒜，吃起來口感非常豐富。椰汁綠豆冰椰子香味很突出，不太甜，啱我口味。芝士蛋糕味道濃郁，旁邊伴著朱古力醬，兩者一起吃，確是很美味的甜品。