天奴豬扒餐廳 (Closed)

元朗都有好幾間打正旗號食豬扒嘅豬扒飯，唯獨係呢一間要等位平日放工又食唔到嘅天奴豬扒飯係會令到我想食完再食嘅！平日放工時間經過已經收左鋪，次次我可以食到嘅日子都係星期期六日，唔係隨時隨地到食先會令人珍惜嘅！嚟呢度食飯，每一次我都會好專一叫佢地嘅香茅豬扒飯，至於醬汁係可以揀，我多數揀蒜蓉汁或者洋蔥汁，兩隻都好好味，我亦都見好多人會加汁。佢嘅豬扒飯除左有豬扒之外，仲有一隻煎蛋同一條大茄子，加埋晒咁多樣野，所以成隻碟都放滿左食物。豬扒好鬆軟好入味，茄子好大條，飯加埋蛋汁一齊食好好食。呢度食野雖然坐得有d迫，但係食物真係唔錯，而且仲食得好飽tim！